EN QUÉ CONSISTE O NOSO VOLUNTARIADO?

VOLUNTARIADO 2010

Cartel voluntariado 10_11

INFORMACIÓN XERAL

A UNIVERSIDADE DE VIGO E O VOLUNTARIADO

Á Universidade de Vigo, atendendo ás inquedanzas da comunidade universitaria, ten en marcha un programa de voluntariado organizado pola Área de voluntariado e Integración, que depende funcionalmente da Vicerreitoría de Extensión Universitaria.

O programa desenvólvese conforme as directrices establecidas pola Lei 3/2000 do Voluntariado de Galicia do 22 de decembro, e polo Regulamento de Voluntariado da Universidade de Vigo.

OBXECTIVOS XERAIS

1. Promover a integración do estudantado na realidade social como parte fundamental da súa formación mediante a realización de actividades de voluntariado.
2. Fomentar a participación da comunidade universitaria en actividades voluntarias.
3. Difundir entre a comunidade universitaria información sobre as actividades de carácter social desenvolvidas por ONG'S, institucións e fundacións, en especial as que realizan a súa actividade nas localidades en que se atopan os campus da Universidade de Vigo.
4. Propiciar e colaborar no desenvolvemento de estudios e traballos sobre temas relacionados co voluntariado e cos problemas sociais do entorno.

REQUISITOS

Os principais requisitos  para participar no voluntariado da universidade son:

• Ser membro da comunidade universitaria.
• Querer colaborar nalgún proxecto.
• Dispor de tempo libre para lle dedicares un mínimo de dúas horas semanais á actividade na que te comprometes a colaborar.

TODA PERSOA VOLUNTARIA CONTARÁ CON

• Unha póliza de seguro.
• Un carné de voluntariado da Universidade de Vigo.
• Formación gratuita, orientación e información.
• Reembolso dos gastos de desprazamento que a colaboración ocasione.
• Un certificado emitido pola Universidade que recolle a tarefa desenvolvida e as horas dedicadas.

FORMACIÓN

• Obradoiros de formación básica de voluntariado no primeiro cuadrimestre nos tres campus, validables por 1 crédito de libre configuración.
• Obradoiros de habilidades sociais e de comunicación no segundo cuadrimestre nos tres campus, validables por 1 créditos de libre configuración.
• Formación específica e promoción doutras accións promovidas dende a Universidade de Vigo ou en colaboración con outras institucións (Dirección Xeral de Voluntariado, Concellos...).
• Cursos de verán relacionados con temas de voluntariado e solidariedade

EIDOS DE ACTUACIÓN

• Terceira idade
• Infancia e mocidade
• Drogodependencias
• Diminuídos físicos e/ou psíquicos
• Colectivos desfavorecidos
• Atención hospitalaria
• Cooperación internacional
• Apoio a estudantes con necesidades especiais
• Apoio a estudantes de nova incorporación
• Cultura e patrimonio.
• Deportes
• Medio natural
• Intercambio lingüístico (galego)
• Igualdade
• Outros eidos

 REGULAMENTO DE VOLUNTARIADO DA UNIVERSIDADE DE VIGO (Aprobado en Consello de Goberno celebrado o 29 de setembro de 2011)