Deportes
Máis de 10.000 persoas participan cada ano nas distintas actividades organizadas polo Servizo de Deportes, que pon ao alcance de todos os membros da comunidade, e da sociedade en xeral, a posibilidade de practicar de xeito regular actividades deportivas e de lecer. Tal é o caso das escolas deportivas que permiten a iniciación na práctica de diversas modalidades deportivas.
As ligas e campionatos universitarios, os torneos intercentros e intercampus, xunto cos campionatos de España centran o groso das competicións dos diferentes deportes que se desenvolven nas instalacións coas que contan os tres campus nos que hai pavillóns polideportivos, pistas de tenis exteriores, campo de fútbol de herba artificial, pista de atletismo, pista de footing e ximnasio, entre outros.